可能入到去會好天呢？

一連幾個週末都係落雨天，我唔係一個太愛做自閉仔o既人(雖然，呢排迫於無奈要留家做Cinderella...)，成日都出唔到去，真係搞到我人都癲！

噚日都不外乎係做家務，然後出去睇戲---《252求生訊號》，再食個mommum咁。

唉......我想曬下太陽呀，再係咁真係變抑鬱！

其實前一晚都講o左，不如今日去下離島。之不過，天氣太反常。

但係，今日一起身，見到出面陽光普照個噃。嘩哈哈哈哈，真係開心到跳起。

所以就拿拿臨搞好d野，就出門口，往大澳去。(但係出門前，係又落過一場大雨...)

搭緊MTR去匯合點時，我再問多次「頭先好大雨喎，係唔係真係仲入去架？」

牛牛說：「可能入到去就會好更架喇....」



嘻...入到去東涌，真係曬到你變燒豬都仲得呀！！

好悠閒咁o係大澳行行企企，飲飲食食，過o左一個小下午。




到返到屋企樓下，竟然落起滂沱大雨...........好在，係我玩完先落，如果唔係，我o既心情真係會持續低落架喇。

:)