惡夢

今朝發o左個好得人驚o既夢，最後...我係俾自己o既喘氣聲嘈醒。

o係夢入面，我係帶住四個小朋友去郊遊。

四個小朋都應該係出自我的.....兩個男仔兩個女仔，四個都好細個。

郊遊嘛，就犀利喇。
我記得，我地曾經經過一個湖，湖入面有d好大條，好似係大型無鬚塘蝨o既生物游來游去。然後行行行行行，就會上山，行o既係比石板街d石板闊o既樓梯路。

同行o既仲有一個nanny物體。

咁我地一直都行得好地地，直到上到半山，我發現我其中一個B女行得好慢。明明仲見到佢個頭仔...之但係...過o左好耐，佢都未行到上o黎喎。

唉，我o個陣開始好慌喇。

所以我就行返轉頭搵佢啦.............我落到去只係見到佢幾件玩具。

我就係o係o個刻開始喘架喇！






B女，會唔會係俾湖入面o既生物..........
架.....？