媽之韓風熱

今晚同mama食飯，席間佢不停同我地講佢有幾咁愛睇韓劇。咁又難得有多個人同佢搭到嘴仔喎。

佢o既瘋癲程度係，返工會online睇，會起晒佢自己心儀o個堆藝員o既底，如成俊哥...然後o係office hour/返家之後就再掃晒阿成俊哥做o既所有，對係「所有」佢做過o既電視劇/電影。

都唔知有幾多個星期日，我同小朋友係瞓到下午兩點幾，跟手三點幾先食晏仔。皆因我地o既母親大人煲劇煲到瀉晒，都唔願催我地起身食飯喇.......................

家下佢晚晚都煲到唔願瞓，我懷疑佢對上幾個星期o既不適，都係因為煲得太盡之固。

近日佢睇緊"男人的故事"，但聞說同時佢都有睇緊o個套"比悲慘更悲慘的故事"(如我無記錯...真係諗起都悲)。